فيفو V29e هاتفك المثالي لالتقاط أجمل صور السيلفي مع كاميرا أمامية مزدوجة وشاشة أموليد رائعة
نزلت شركة فيفو موبايل جديد اسمه V29e، وهو أحدث إصدار منها في الفئة المتوسطة. الموبايل ده جميل أوي ورفيع، وشاشة كبيرة من نوع أموليد، وبدقة FHD+ ومعدل تحديث 120 هيرتز واللي بيقدم أداء ممتاز كمان الموبايل فيه كاميرا خلفية 64 ميجا بيكسل، وكاميرا أمامية 50 ميجا بيكسل.
“ودخل فيه معالج من نوع سناب دراجون 695 اللي بيدعم شبكات الجيل الخامس ورامات 8 جيجا بايت، وسعتها 256 جيجا بايت، والشاحن السريع فيه بقوة 44 وات. تعالوا نتعرف على المواصفات الكاملة للموبايل من فيفو V29e، وأهم مميزاته وعيوبه، وهل يستاهل الشراء ولا لأ.
مواصفات هاتف فيفو V29e
- الشاشة: من نوع اموليد 6.78 بوصة بدقة 1080×2400 بها ثقب صغير
- المعالج: مقدم من شركة كوالكم من نوع Snapdragon 695 اللي بيدعم شبكات الجيل الخامس وبيجي بتكنولوجيا 6 نانو مع معالج رسومي من نوع Adreno 619
- الذاكرة: ذاكرة التخزين الصلبة تأتي بسعة 256 جيجا بايت من نوع UFS 2.2 مع ذاكرة عشوائية بسعة 8 جيجا بايت
- الكاميرا: الخلفية ثنائية 64+8 ميجا بكسل والكاميرا امامية 50 ميجا بكسل.
- البطارية: 4800 مللي أمبير
- نظام التشغيل: اندرويد 13 بواجهة فيفو الأحدث الـ Funtouch 13
مميزات العدة
- خامات الموبايل من البلاستيك بشكل كامل وكمان الموبايل بيدعم المقاومة لطرطشة الماء بمعيارية IP54 دا غير انه تصميمه حلو ورفيع، والخامات بتاعته كويسة
- شبكاته ممتازة، ويدعم الجيل الخامس الجديد ولكن مزودين الخدمة مدعموهاش في معظم المناطق في الوطن العربي
- الكاميرات بتاعته ممتازة، والتصوير بيطلع حلو سواء صور أو فيديوهات لان الدقة اللي بتيجي بيها الكاميرات عاليه وممتازة
- البطارية بتاعته كويسة ودا لانها بتيجي بـ 4800 مللي امبير فا بتقعد وقت طويل علشان تخلصها والشاحن بتاعها بيشحنها بسرعة لانه 44 واط ودا اللي بيديك ميزة قوية في الاستخدام
- وبالنسبة للشاشة بتاعته ممتازة، والألوان بتاعتها غنية، ومعدل التحديث بتاعها عالي ودا اللي هيخلي تجربة الاستخدام ممتازة
- كمان سطوع الشاشة عالي صل الي 1150 شمعة ودا اللي بيخلي الشاشة استخدامها تحت اشعة الشمس ممتاز ومش هتلاقي فيها أي مشاكل.
- الموبايل دا كمان بيجي داعم لمعظم المستشعرات زي مستشعرات التسارع والقرب والبوصلة والجيروسكوب كلها في الموبايل ومفيش حاجة سوفت وير ودا اللي بيخلي اداءها ممتاز.
عيوب العدة
- سماعاته واحدة مش اتنين وبالتالي سماعاته مش stereo فالصوت مش احسن حاجة.
- الموبايل ما بيصورش فيديوهات بدقة 4K وبالتالي الموبايل ما بيصورش فيديوهات عالية الجودة
- وكمان الموبايل لا يدعم الاتصال اللا تلامسي الـ NFC وبكده ما بيدعمش الدفع عن طريق الهاتف
- لا يدعم الهاتف تركيب كارت ميموري وبالتالي ما ينفعش تزود مساحة التخزين بتاعتك.
- ستحصل على أداء مقبولة ولكنه مش قوي ودا اللي بيديك أداء متوسط.
- الموبايل مفيهوش منفذ 3.5 ملم فمش هتعرف تشغل عليه السماعات العادية و لازم تشتري سماعات بلوتوث
سعر الموبايل Vivo V29e
- السعر اللي بنتوقعه في مصر للنسخة 256 جيجا مع 8 جيجا رام حوالي 14000 جنية مصري.
تقيمنا
إذا كنت تبحث عن هاتف من الفئة المتوسطة يتميز بتصميم أنيق وشاشة كبيرة وكاميرا جيدة الأداء وبطارية كبيرة تدوم لفترة طويلة، فإن هاتف Vivo V29e يستحق الشراء. ولكن إذا كنت تبحث عن هاتف يدعم تقنية NFC أو التصوير بدقة 4K أو إمكانية توسيع الذاكرة الداخلية، فقد لا يكون الهاتف مناسبًا لك.
بشكل عام، يعتبر هاتف Vivo V29e خيارًا جيدًا لمن يبحث عن هاتف من الفئة المتوسطة يتميز بأداء جيد وسعر مناسب.
يجب أنت تكون مسجل الدخول لتضيف تعليقاً.