تكنولوجيا
الأداء الاستثنائي موبايل شاومي 14 يهيمن على عالم الهواتف الذكية بمواصفات فائقة وسعر متوسط
شاومي نزلت تليفونها الرائد الجديد الـ Xiaomi 14، ورغم إنه صغير في الحجم إلا إنه مواصفاته جامدة يعني عندك مثلا شاشة الموبايل اللي بتيجي من نوع اموليد 6.36 بوصة بمعدل تحديث 120 هرتز وسطوع 3000 شمعة،
دا غير المعالج القوي الجديد من شركة كوالكم من نوع Snapdragon 8 Gen 3 الرائد، وكاميرا خلفية ثلاثية مميزة بالتعاون مع لايكا، وبطارية 4610 مللي أمبير بتدعم الشحن السريع 90 واط.
مواصفات موبايل شاومي 14
- الشاشة: من نوع LTPO OLED ومساحتها تصل الي 6.36 بوصة بدقة الـ 1200×2670 بكسل بمعدل كثافة بكسلات 460 بكسل لكل بوصة مع دعم الشاشة لمعدل التحديث الـ 120Hz
- المعالج: المستخدم معالج رائد من شركة كوالكم من نوع Snapdragon 8 Gen 3 بتكنولوجيا 4 نانو مع معالج رسومي من نوع Adreno 750
- الذاكرة: الذاكرة الصلبة مدمة بعدة نسخ 256/512/1000 جيجا بايت مع عدة نسخ للذاكرة العشوائية كذلك 8/12/16 جيجا بايت
- الكاميرا: الكاميرات الخلفية ثلاثية 50+50+50 ميجا بايت والكاميرا الامامية بدقة 32 ميجا بايت.
- البطارية: 4610 مللي أمبير
- نظام التشغيل: اندرويد 14
مميزات الهاتف
- الموبايل تصميمه شيك أوي، حجمه مثالي، وخاماته ممتازة من شاومي وكمان الموبايل الخامات المستخدمة في الهاتف تأتي من الزجاج أو الجلد مع إطار من الالمونيوم.
- الهاتف مقاوم للماء والغبار، حتى لو وقع في المية أو الرمل مش هيحصله حاجة لانه بيجي بشهادة الـ IP68 حتى متر ونصف لمدة نصف ساعة
- كاميراته مميزة أوي، بالتعاون مع لايكا، يعني الصور والفيديو هيطلعوا روعة بسبب العدسات وكمان الدقة المرتفعة سواء الكاميرات المختلفة الخلفية فبتيجي بدقة 50 ميجا بكسل ودي اللي بتخليها كاميرات ممتازة وكمان المعالج اللي بيدعم الكثير من المميزات اللي بتساعد الكاميرات بصورة كبيرة
- كل ده غير ان الكاميرات بتدعم المثبت البصري الـ OIS وهي الكاميرا الأساسية أما عن الكاميرا الثانية فتأتي بدقة 50 ميجا بكسل بفتحة عدسة F/2.0 وتدعم المثبت البصري الـ OIS وهي الكاميرا الخاصة بالبورترية والزوم البصري اللي معاه مش هتفقد أي تفاصيل حتي 3.2 مره.
- وبالنسبة لالتقاط الفيديوهات فالموبايل بيدعم الهاتف تصوير الفيديوهات بجودة الـ 8K بمعدل التقاط 24 إطار في الثانية كما يدعم التصوير بجودة الـ 4K بدقة 2160 بكسل بمعدل التقاط 24 و30 و60 إطار في الثانية
- صوت الموبايل ممتاز بفضل الصوت الاستيريو، يعني هتستمتع بالموسيقى والأفلام دا غير الألعاب اللي هتقدم لك تجربة ممتازة
- بطارية الموبايل ممتازة صحيح انها مش اكبر حجم ولكنها هي قوية جدا والمعالج بيساعد علي ان الاستهلاك يكون اقل كل ده غير ان الشحن السريع ممتاز، 90 واط، يعني هتشحن الهاتف بالكامل في وقت قصير ودا اللي هيخلي الموبايل واستخدام البطارية والشاحن افضل ما يكون.
- الموبايل كمان بيدعم الشحن اللاسلكي بقوة 50 واط والشحن اللاسلكي العكسي بقوة 10 واط .
- الأداء قوي أوي، بفضل معالج كوالكم الرائد، يعني هتستمتع بكل الألعاب والتطبيقات يعني لو عايز تمنتج علي الموبايل هتعرف وكمان الألعاب اللي بتدعم عدد إطارات كتير والألعاب الحربية دا غير واجهة المستخدم اللي بتقدم أداء قوي جدا وخفيفة علي الموبايل.
- واللي بتساعد ان الموبايل يكون استخدامة بالسهولة دي هي الشاشة واللي بتيجي من نوع LTPO OLED كبيرة تقدم الوان مشبعة وزاهية بصورة ممتازة مع دعمها لمعدل التحديث الـ 120Hz والـ HDR10+ والدولبي فيجن بتخلي الشاشة ممتازة
- كل المميزات اللي فاتت دي مع سطوع عالي 3000 شمعة واللي بتخلي استخدامها تحت اشعة الشمس وفي الشارع ممتازة
- احد المميزات القوية ان الموبايل بيجي معاه الاكسسوارات من راس الشاحن وكمان سلك الشاحن.
عيوب الهاتف
- مفيش منفذ 3.5 ملم للسماعات، بس ده طبيعي في الهواتف الرائدة
- مفيش إمكانية زيادة المساحة التخزينية عن طريق كارت ميموري، بس مساحة التخزين كبيرة 256 أو 512 أو 1000 جيجا بايت، فممكن تكفيك والاغلب انها هتكفيك
- الكاميرات الخلفية بارزة شوية عن ظهر الهاتف، بس مش لدرجة إنها تأثر على الاستخدام لا خالص انت بس ممكن تستخدم جراب علشان تحافظ علي الكاميرات
سعر الهاتف
- السعر بالخارج للنسخة الـ256 جيجا مع 8 جيجا رام بسعر 650 دولار امريكي
- والنسخة 256 جيجا مع 12 جيجا رام بسعر 700 دولار امريكي
- وبالنسبة للنسخة 512 جيجا مع 16 جيجا رام بسعر 800 دولار
- كل ده غير ان النسخة 1 تيرا مع 16 جيجا رام بسعر 900 دولار
- في مصر للنسخة 256 جيجا مع 12 جيجا رام بسعر 35000 جنية مصري والموبايل بيجي بضمان دولي
تقييم نهائي
الموبايل بيقدم تجربة ممتازة موبايل Xiaomi 14 موبايل جامد أوي، تصميمه شيك وحجمه مثالي، وخاماته ممتازة. مقاوم للماء والغبار، وكاميراته مميزة أوي، وصوته ممتاز، والشحن السريع ممتاز، والأداء قوي، والشاشة كبيرة وألوانها جميلة.
