مراجعة موبايل ناثينج فون 2 هل سيُصبح الهاتف الذكي الأكثر مبيعًا في 2024؟

أعلنت الشركة بشكل رسمي عن الموبايل الجديد وهو Nothing Phone 2 وهو دا الإصدار الثاني من نفس الموبايل اللي اطلقتة الشركة واللي يعتبر أحدث إصدار من شركة Nothing  وقد حرصت الشركة المرة دي على المنافسة في الفئة الرائدة العليا بالإصدار الجديد وعشان كده قامو بتحديث تقريبا كل المواصفات.

واهم الأشياء اللي قامو بتحديثها ان الشركة استخدمت معالج رائد من شركة كوالكم من نوع Snapdragon 8+  الإصدار الأول من المعالج مع الاحتفاظ برمق التصميم والتطوير على شكل التصميم كذلك اللي بيعتبر مختلف مع الـ LED المميز في ظهر الموبايل.

كل ده بالإضافة إلى ان الشاشة مميزة بسبب انها من نوع أموليد وبمعدل تحديث 120 هرتز بسطوع عالي بيخليها سلسلة في الاستخدام والاهم من كل ده ان البطارية أكبر 4700 مللي أمبير داعمة للشحن السريع 45 واط

فيلا بينا بقا نتعرف على المواصفات الكاملة للموبايل ده وما هي أهم مميزاته وعيوبه وهل يستحق الشراء ولا لأ.

مواصفات سريعة لموبايل Nothing Phone 2

• الشاشة: من نوع LTPO OLED وتأتي بمساحة 6.7 إنش بدقة الـ 1080×2412 بكسل بمعدل كثافة بكسلات 394 بكسل 120 هيرتز
• المعالج:   من شركة كوالكم من نوع Snapdragon 8+ Gen 1 بتكنولوجيا 4 نانو مع معالج رسومي من نوع Adreno 730
• الذاكرة:  ثلاث نسخ 128/256/512 جيجا بايت لذاكرة التخزين الداخلية مع نسختين من الذاكرة العشوائية 8/12 جيجا بايت
• الكاميرا:  الخلفية ثنائية بدقة 50+50 ميجا بكسل والكاميرا الامامية 32 ميجا بكسل.
• البطارية:  4700 مللي أمبير
• نظام التشغيل:  اندرويد 13 مع واجهة الـ Nothing OS 2

مميزات الهاتف

• التصميم ممتاز في موبايل Nothing Phone 2 وفيه اوبشن كتير من أهمها ان فيه 11 عنصر إضاءه مكون من 33 وحدة LED في ظهر الموبايل، واللي بتشتغل عند الاشعارات أو الشحن أو حتى تقدر تتحكم فيها من خلال الاعدادات
• الخامات المستخدمة في تصنيع الهاتف تأتي من الزجاج مع إطار من الالمونيوم اللي بيدي متانة للموبايل، دا غير انه طارد لقطرات المياه الخفيفة
• البطارية اللي بيقدمها الموبايل ممتازة سرعات الشحن: تم الاهتمام بسرعات الشحن، فيدعم الشحن السريع 45 واط والشحن اللاسلكي 15 واط والشحن العكسي 5 واط.
• المستشعر اللي بيقدمة الموبايل واحد من افضل المستشعرات واللي بيقدم استجابة سريعة وممتازة مدمج بالشاشة ومش هتحس معاه بأي مشاكل في الاستخدام
• الموبايل بيقدم أداء ممتاز وتجربة صوتية رائعة وستحصل على صوت مميز بفضل السماعات الخارجية الاستيريو وكمان الميكروفون الإضافي الخاص بعزل الضوضاء واللي هتساعدك في المكالمات.
• شاشة مميزة وتصميمها علي شكل الثقب وتأتي الشاشة من نوع LTPO OLED واللي بتقدم أداء ممتاز من حيث الألوان دا غير انها بتيجي بمساحة كبيرة 6.7 بوصة وكمان دقتها ممتازة بتصل الي 1080×2412 بكسل بمعدل كثافة بكسلات 394 بكسل لكل بوصة فهتلاقي الشاشة اداءها ممتازة
• شاشة الموبايل كمان بتدعم معدل تحديث عالي ومتغير من 1 لـ 120 هيرتز علي حسب التطبيق ودا اللي هيسمحلك انك توفر في البطارية وكمان يبقي الاستخدام افضل ما يمكن
• الشاشة محمية بطبقة حماية من نوع Corning Gorilla Glass تحميها من الخدوش والكسر وبعض الصدمات
• الموبايل يقدم واحد من افضل واقوي الاداءات في الألعاب بشكل خاص ويمكن تصميم الموبايل وكل اللي بتعملة الشركة ودا بسبب ان الموبايل بيجي بمعالج من نوع Snapdragon 8+ Gen 1 بتكنولوجيا 4 نانو مع معالج رسومي من نوع Adreno 730 فهو نفس المعالج الموجود في العديد من الهواتف الرائدة فهتلاقي وقتها ان أداء الموبايل قوي وسريع في المهام اليومية المختلفة أو حتي في الألعاب.
• كاميرات جيدةودا بسبب انها بتقدم تجربة جيدة ودا لانها كاميرا مزدوجة الأولى والاساسية بدقة 50 ميجا بكسل بفتحة عدسة F/1.9 وكمان الكاميرا بتدعم المثبت البصري الـ OIS، الكاميرا الثانية بتيجي بدقة 50 ميجا بكسل بفتحة عدسة F/2.2، وهي الكاميرا الخاصة بالتصوير الواسع
• كل دا غير ان الكاميرا السيلفي اتحسنت كتير عن الإصدار السابق وأصبحت بدقة اعلي بدقة 32 ميجا بكسل بفتحة عدسة F/2.5  وفي الاضاءات القوية دي هتقدملك أداء فوق الممتاز.
• الموبايل كمان بيدعم تصوير الفيديوهات بجودة الـ 4K بدقة 2160 بكسل بمعدل التقاط 30 و60 إطار في الثانية الواحدة، وكمان بيدعم التصوير بجودة الـ FHD بدقة 1080 بكسل بمعدل التقاط 30 و60 إطار في الثانية الواحدة، وكمان بيدعم التصوير بطيء الحركة الـ Slow Motion بمعدل التقاط 480 إطار في الثانية الواحدة.

عيوب الهاتف

• الموبايل طارد لقطرات الماء الخفيفة بشهادة الـ IP54 فحماية المايه ليست الأفضل في الموبايل ده يعني لازم تكون حريص على الموبايل من المياه.
• الموبايل مبيدعمش إمكانية تركيب كارت ميموري يعني لو كنت محتاج مساحة تخزين كبيرة، ممكن تكون المشكلة دي مزعجة بالنسبة لك ودا ممكن متحتاجوش غير مع النسخة الـ 128 جيجا بايت.
• بالرغم من ان الكاميرات اللي بتقدمها الموبايل فهي ممتازة ولكن بردو الموبايل ما زال لا يدعم الهاتف كاميرا زوم فلو كنت مهتم بالتصوير الفوتوغرافي أو الفيديو، ممكن تكون المشكلة دي مزعجة بالنسبة لك.
• واحدة من العيوب اللي بقت مشهورة اوي ف يالفئة السعرية دي ان الموبايل لا يدعم منفذ الـ 3.5 ملم الخاص بسماعات الاذن فلو كنت محتاج منفذ الـ 3.5 ملم، ممكن تكون المشكلة دي مزعجة بالنسبة لك.
• الاكسسوارات الموجودة مع الموبايل هي وصلة الشاحن بس فهتحتاج إلى شراء رأس الشاحن السريع بشكل منفصل يعني لو كنت محتاج رأس شاحن جديد، هتكون مضطر تشتريه بشكل منفصل.
• سطوع الشاشة الفعلي تحت الشمس قريب من موبايلات الفئة المتوسطة مثل Samsung A54 وليس افضل منها يعني لو كنت بتستخدم الموبايل في الشمس، ممكن تلاقي صعوبة في رؤية الشاشة ودا بعد التجربة الفعلية للشاشة ودا بالرغم من ان الإعلان الرسمي للشركة ان السطوع يصل الي 1600 شمعة.

سعر العدة

• اما بالنسبة للسعر في مصر فالنسخة الموجودة هي الاعلي من حيث المساحة وهي الـ 512 جيجا بايت مع 12 جيجا بايت رام بسعر حوالي 31000 جنية وبيجي ضمان دولي
• الموبايل بيجي بأسعار مختلفة ومميزه علي المستوي العالمي للنسخة 128 جيجا مع 8 جيجا رام بسعر 600 دولار
• وللنسخة الـ 256 جيجا بايت مع 12 جيجا بايت رام بسعر 700 دولار
• اما سعر النسخة الأكبر من حيث المساحة وهي الـ 512 جيجا مع 12 جيجا رام بسعر 800 دولار .
• والسعر في السعودية للنسخة 256 جيجا مع 12 جيجا رام بسعر 2800 ريال سعودي
• وللنسخة الـ 512 جيجا مع 12 جيجا رام بسعر 3100 ريال سعودي.
• اما السعر في الإمارات للنسخة الـ 256 جيجا مع 12 جيجا رام بسعر 2500 درهم اماراتي
• وللنسخة 512 جيجا مع 12 جيجا رام بسعر 2800 درهم اماراتي.

المختصر المفيد

الموبايل كويس بيقدم قيمة كويسة مقابل السعر، خاصةً لو بتدور على موبايل بتصميم مميز وأداء قوي وشاشة مميزة يعني لو كنت بتدور على موبايل بتصميم مميز وأداء قوي وشاشة مميزة والاهم من دا كله ان الموبايل أصلا معمول انه موبايل جيمينج من التصميم والأداء فلو انت جيمر فموبايل Nothing Phone 2  هو تقريبا افضل خيار بالنسبة لك.